Kryqi i Kuq ka bërë pagesa për familjet e viktimave në aksidentin në Koçan

Deri më sot janë mbledhur 102.410.247,00 denarë. Kryqi i Kuq RMV deri më tani ka bërë pagesa për familjet e të gjithë të vdekurve dhe të lënduarve që po trajtohen jashtë vendit nga aksidenti tragjik në Koçan.

Për të lënduarit e shtruar në spitalet e vendit në bashkëpunim me Shërbimin e Çështjeve të Përgjithshme dhe të Përbashkëta të Qeverisë po punohet për mbledhjen e të dhënave. Pas marrjes së listave, fondet do të disbursohen menjëherë.

Shpresojmë në fillim të javës së ardhshme. Menjëherë më pas do të mundësohet qasja në harmonizimin e kritereve për pagesën e mjeteve të mbetura për viktimat.

Kryqi i Kuq vazhdon të ofrojë mbështetje psikosociale për popullatën e prekur përmes angazhimit të mbi 100 psikologëve në bashkëpunim me Odën e Psikologëve të Maqedonisë. Në bashkëpunim me shkollat organizohet mbështetje e përditshme për mësuesit dhe nxënësit për t’u përballur me situatën e krijuar, si dhe pjesëtarë të zjarrfikësve dhe pjesëtarë të Ministrisë së Punëve të Brendshme. Me kërkesë të universitetevr Kryqi i Kuuq organizon trajnime për ndihmën e parë dhe ndihmën e parë psikologjike në universitete.

ndihmë për studentët.

Së bashku me partnerët tanë, Kryqi i Kuq do të vazhdojë të mbështesë familjet e të lënduarve në procesin e kthimit të tyre në jetën e përditshme përmes zhvillimit të aktiviteteve të ndryshme.

Në bashkëpunim me Ministrinë e Arsimit dhe Shkencës dhe Odën e Psikologëve të Maqedonisë, Kryqi i Kuq në periudhën e ardhshme do të realizojë aktivitete për edukimin e studentëve, stafit mësimdhënës dhe profesional për përballimin e situatave stresuese, identifikimin me kohë dhe zvogëlimin e cenueshmërisë së shkaktuar nga krizat dhe situatat emergjente si dhe zbutjen dhe eliminimin e pasojave për shëndetin mendor në situata krize dhe emergjente.